Banat ( Leaderboard Top ), pagematch: 1, sectionmatch: 1

78 balay daplin sa Mactan Channel gidemolis

CEBU, Philippines — Hingpit na nga gipatuman sa kagamhanan sa Dakbayan sa Lapu-Lapu ang pagguba sa 78 ka balay sa Sitio Sperla, Poblacion kagahapon sa buntag.

Gisugdan sa pagbungkag ang 10 ka balay nga pulos na gipangmarkahan og “X” nga nagpasabot nga ang tag-iya nakadawat na sa P10,000 nga pinansiyal nga hinabang sa kagamhanan.

Nakahukom si Mayor Paz Radaza sa pagpademolis sa mga balay nga nahimutang daplin sa Mactan Channel tungod sa kapeligro sa ilang kahimtang nga maigo sa dagkong balud nga mugna sa molabay nga mga fast craft. Unang gitakda ang demolisyon niadtong  Nobiyembre 8 pa unta apan nihangyo ang mga sakop sa Presidential Commission for the Urban Poor (PCUP) hinungdan nga gilugwayan kini hangtud sa Disyembre 1.

Gisubli ang paghangyo sa mga molupyo sa pag-oktaba sa demolisyon ug gisanong usab sa kagamhanan ug subling gitakda kagahapon.

Nunot sa pagdemolis sa mga balay, ang City Social Welfare Office maoy nagdala sa listahan sa mga pangalan sa tag-iya sa mga balay.

Ang matag tag-iya sa balay nga nabungkag sa demolisyon ang nakadawat og P10,000 nga pinansiyal nga hinabang sa kagamhanan nunot usab sa wala paghatag og relocation sa kagamhanan. (BANAT NEWS)

  • Follow Us: