Way fire-cracker zone sa Mandaue

CEBU, Philippines — Gipahibawo sa Bureau of Fire Protection (BFP) ang mga molupyo sa Dakbayan sa Mandaue nga ang ilang buhatan dili modeklarar og firecracker zone area.

Nunot usab kini sa higpit nga pagdili sa kagamhanan sa pagpabaligya og mga paboto sa tanang dapit tungod kay wala man usab moluwat og permit ang buhatan sa kabomberohan.

Si Senior Fire Officer 1 Rey Gonzaga niingon nga sama gihapon sa niaging tuig ang ilang himoon nga mao ang pagsakmit sa ibaligya nga paboto sa dakbayan.

Gitataw ni Gonzaga nga ang mamaligya og paboto ug bisan na ang pagpaboto sa bisan unsang matang nga gipalit gikan sa legal nga namaligya niini ang ila gyud dakpon. (BANAT NEWS)