Banat ( Leaderboard Top ), pagematch: 1, sectionmatch: 1

Sidewalk vendors sa siyudad nagsagkuwat

CEBU, Philippines — Nagpatawag og tigum ang Prevention, Restoration, Order, Beautification, Enhancement (PROBE) Team sa mga sidewalk vendors sa Siyudad sa Sugbo.

Sigun sa pangulo sa PROBE, Raquel Bohol-Arce, nga nabantayan nila nga gubot ang mga sidewalk sa siyudad gumikan kay daghang  manindahay ang wala’y temporary approval nga gi-isyu gikan sa Division for the Welfare of the Urban Poor (DWUP) sa Cebu City Hall.

Moabot sa 50 ka manindahay ang wala’y temporary approval diin sagad nila naa sa Osmeña Boulevard ug dalan Colon diin gihatagan sila sulod niining semanaha aron makakuha og temporary approval sa DWUP.

Sa adlaw’ng Lunes sunod semana, si Arce niingon nga mopahigayon sila og ocular inspection sa mga sidewalk vendors sa dalan Colon ug Osmeña Boulevard ug kadtong wala’y temporary approval, ang ilang mga paninda ikarga sa truck.

Giklaro sab ni Arce nga kadtong mga dunay temporary approval wala nagpasabot nga dili sila matandog kay kung makita nga ang mga manindahay wala mosunod sa guidelines ug standard nga sukod sa gidak-on sa ilang lamesa nga 2x3 ug kun makita sa PROBE nga dili sila angay sa maong lugar isibog sila.

“Kasagaran vendors mag-ilog sa junction so i-follow nato ang balaud sa CITOM nga from the corner from the junction ilibre gyud na 6 meters aron dako ang agianan sa mga pedestrian nga gikan nilabang sa pikas dalan ngari sa pikas dalan,” sigun ni Arce.

 Si Arce niingon nga dunay mga establisemento nga dili mosugot nga dunay sidewalk vendors sa ilang tugkaran ug girespetar kini sa siyudad apan gihimug-atan sa PROBE nga wala kini nagpasabot nga ang establisemento mahimong maka-extend sa ilang pwesto sa sidewalk. (BANAT NEWS)

  • Follow Us: