Banat ( Leaderboard Top ), pagematch: 1, sectionmatch: 1

Lapu-Lapu gipasidunggan sa DOH

CEBU, Philippines — Giila sa Department of Health ang Dakbayan sa Lapu-Lapu sa malampuson nga pagpasiugda sa Child Immunization Program hinungdan nga usa kini sa napulo ka dapit sa Rehiyon-7 nga gihatagan og pasidungog.

Si Mayor Paz Radaza ang personal nga nidawat niini sa niaging adlaw atol sa Regional Health Summit ug awarding ceremony sa Dakbayan sa Sugbo.

Ang paghatag sa maong pasidungog natigayon taliwala sa kontrobersiya sa pagkamatay sa duha ka bata nga giingong namatay sa pagbakuna sa usa ka barangay health center sa dakbayan.

Matud ni Radaza nga isolated incident lang ang maong panghitabo.

Ang uban nga gipasidunggan mao ang Lungsod sa Borbon, Compostela, Asturias, Sta. Fe, Pinamungajan, Balamban ug Dakbayan sa Bogo ug Danao. (BANAT NEWS)

  • Follow Us: