Kapitan rupinta gi-ambush patay

CEBU, Philippines — Barangay Kapitan sa Barangay Ermita, sa Dakbayan sa Sugbo gi-ambush kagabii didto sa Sitio Simborio sa barangay Tayud sa lungsod sa Liloan kagabii.

Sumala pa ni Konsehal Dave Tumulak  sakay si  Kapitan Felicisimo “Imok” Rupinta sa iyang sakyanan sa maong lungsod dihang kalit kining gibanhigan sa duha ka mga lalaking nagsakay og motorsiklo.

Dali siyang gidala sa Mendero Hospital sa lungsod sa Consolacion ug gikatahong kritikal ang kahimtang tungod sa mga igo sa bala diha sa  iyang ulo.

Si Rupinta nakontrobersiya kaniadto human kini ug tanan niyang mga kagawad sa barangay gisuspenso sa Ombudsman tungod sa pasangil nga wala kini motabang sa kampanya batok sa ilegal nga drugas.

Si Rupinta gipasanginlang nagpasagad sa iyang trabaho hinungdan nga nigara ang mga ilegal nga drugas diha sa iyang barangay.

Ning bag-ohay lamang gipangusgan ni Rupinta ang kampanya kontra ilegal nga drugas ug nilusad sa iyang kaugalingong kampanya pinaagi sa pagpamilit og paskin nga “drug free” ang usa ka panimalay.

Tungod usab sa iyang gipakusgang kampanya batok sa ilegal nga sugal diha sa iyang barangay daghang mga illegal gambling machines ang nasakmit ug mao kini ang usa sa gidudahan ni Tumulak nga hinungdan o motibo sa nahitabo kaniya.

Kagabii si Konsehal Joel Garganera  kinsa miadto sa tambalanan mikompirmar sa The Freeman/Banat News  nga namatay gyud ang barangay kapitan. (BANAT NEWS)