JO sa Talisay makadawat og bonus
CEBU, Philippines — Moabot sa P10,000 ang madawat sa mga job order nga kawani sa Talisay City Hall.
Si City Budget Officer Edgar Mabunay nagkanayon nga tinguha ni Mayor Eduardo Gullas nga malipay ang mga job order nga kawani karong Pasko.
Apan gipasabot ni Mabunay nga naghuwat sila sa memorandum circular sa Department of Budget and Management (DBM) tungod kay kini maoy ilang basehan sa pagpagawas sa pundo.
Gitataw niya nga kun wala’y memorandum circular hayan magpadala sila og suwat sa opisina sa Presidente aron paghangyo ug pagpananghid nga makahatag og bonus sa mga job order.
Kaniadto niisyu og disallowance ang Commission on Audit tungod kay nihatag sila og bonus nga wala’y igong basehanan sa panahon ni kanhi mayor Socrates Fernandez.
Dugang ni Mabunay nga aduna’y saktong pundo ang siyudad nga makahatag og pahalipay sa mga nagserbisyo sa siyudad.
Ang mga regular nga kawani ang nakadawat na sa ilang bonus niadtong niaging semana. (BANAT NEWS)
- Latest