Apohan sa namatay nga masuso niduol sa CHR-7
CEBU, Philippines — Nibisita sa buhatan sa Commission on Human Rights 7 kagahapon sa buntag ang apohan ni Ghilvaughn Mcreign Limpangog nga si Ariel Igoy, aron magpakisayod kung unsay angay nilang buhaton aron makabaton og hustisya ang kamatayon sa iyang apo nga nakalas human giingon nabakunahan sa health center sa Barangay Pajac, Lapu-Lapu City.
Matud pa ni Igoy, nipirma na usab sila sa tinguha sa DOH-7 nga ipaubos sa autopsy ang iyang apo aron maklaro na ang tanan ug wala na usab susama nga mahitabo sa iyang apo.
Samtang si Rudolfo Paqueo Jr, Special Investigator III nitug-an nga paabuton nila ang resulta sa imbestigasyon sa DOH-7 apan mopadala sila og subpoena sa maong buhatan aron mangayo og kopya sa resulta. Sa pagkakaron gisugdan na sa Regional Adverse Effects Following Immunization Committee (RAEFI) ang imbestigasyon. Tumong niini mao ang pagsuta kun ang bakuna ba gyud maoy nakapatay sa duha ka masuso. (BANAT NEWS)
- Latest