Sagrado ang kaminyoon

CEBU, Philippines — Dili pabor si Cebu City Mayor Tomas Osmeña labot niining balaudnon nga mahimong mapawalay-bili ang kasal nga giplanuhang ipasar sa Kongreso sa dili pa mahuman ang buwan sa Disyembre ning tuiga.

Apan ang mayor miingon nga kun mao kini ang gusto sa katawhan wala siya’y mahimo ug dili niya kini babagan. “If they want to dissolve, I wish they would not.  But if they want to, what are we going to do shoot them?” sigon ni Osmeña.

 “Government should not get in to the area of being the priest. You can believe anything you want. You can follow value you want. You don’t even have to believe in God. Government should be neutral. It should not be run by one theology or another,” dugang pa sa mayor. Uyon si Osmeña sa sugyot ni Archbishop Jose Palma nga inay nga magbuwag mas maayo moagi na lang sila og counseling.

Samtang si Gob. Hilario Davide III sa iyang bahin nagtoo nga sagrado ang kasal sa magtiayon.  “I believe in the invariability of marriage, that marriage is sacred,” matud ni Davide.

Ang gobernador  nagkanayon nga wala pa siya makabasa sa draft bill niini, apan siya miingon nga sa balaod karon, ang “psychological incapacity” o “nabuang” o nalisoan og pangisip ang pares maoy kasagaran himoong rason sa mga magtiayon nga gusto magbulag.

Alang ni Davide nga ang “irreconcilable difference” ug “unhappiness” o walay kalipay  sa duha ka magtiayon mahulog na nga “psychological incapacity.” “Para nako just my point of view kanang irreconcilable difference that would lead, maybe usa na sa symptoms sa psychological incapacity nganong ang magtiayon dili gyud mag-reconcile maybe one or both of them kay psychological incapacitated,” matud ni Davide. (BANAT NEWS)