Duha ka centenarian nakadawat og pahalipay
CEBU, Philippines — Duha ka centenarian sa dakbayan sa Talisay ang nakadawat og P50 mil matag usa kanila isip pahalipay gikan sa kagamhanan sa siyudad.
Si Mayor Eduardo Gullas ang personal nga nitunol sa kwarta ngadto kang Francisca Guda, 100-anyos nga taga Barangay Poblacion sa nahisgutang siyudad.
Samtang plaque of appreciation na lang ang nadawat ni Rosita Codilla, 108-anyos nga taga Barangay Tabunok tungod kay nakadawat naman siya sa kwarta niadtong si kanhi Mayor Johnny de los Reyes pa ang naglingkod nga mayor sa siyudad.
Ang duha ka centenarian mipaambit sa ilang sekreto sa pagkabaton og taas nga kinabuhi mao ang paglikay sa mga bisyo sama sa pag-inom og ilimnong makahubog, pagpanigarilyo ug uban pang makadaot sa lawas. Ug ang kanunay nilang kan-on mga utanon ug dili kaayo sila mokaon og karne.
Si Hazel Sevilleno, Public Information Officer (PIO) sa siyudad mibutyag nga ang siyudad adunay ordinansa nga mohatag og pahalipay ngadto sa mga centenarian.
Tumong usab niini nga matabangan ang mga centenarian nga makapalit sa ilang mga maintenance nga tambal. (BANAT NEWS)
- Latest