P20 mil kantidad sa mga baligya nadagit sa kawatan
CEBU, Philippines — Mikabat ngadto sa P20,000 ang kantidad sa tanang mga baligya nga nadala sa kawatan kinsa milungkab sa usa ka tindahan diha sa Purok Shooting Star sa Barangay Babag, dakbayan sa Lapu-Lapu.
Ang maong insidente sa pagpanglungkab nahitabo niadtong pasado alas 2:00 sa kadlawon sa miaging adlaw ug giingong si Roquel Silario Eumaque, residente sa nahisgutang lugar ang nakamatikod sa maong pagpanglungkab.
Ang tag-iya sa nahisgutang tindahan giila nga si Victoria Balansag Salocenia, 63-anyos, residente usab sa nahisgutang lugar.
Ang kapolisan miila sa mga giingong nanglungkab nga sila si Jun Ryan Casas Alburo, 18-anyos, Christian Casas Alburo, Ramil Macasero ug laing duha kinsa nailhan lang sa mga angga nga “Ramil” ug “Patin”. (BANAT NEWS)
- Latest