Drug test sa mga magtutudlo gitun-an
CEBU, Philippines — Gibutyag ni Konsehal Joy Augustus Young, deputy mayor for education sa Dakbayan sa Sugbo nga gipatan-aw una niya sa City Legal Office kun unsay sakto o dili sa pagpaubos sa drug test sa mga magtutudlo sa publikong tunghaan.
Gihunong una sa Department of Education ang drug test sa mga public school teachers gumikan sa kakuwang sa klarong guidelines.
Matud ni Young nga dunay kontrol ang siyudad mahitungod niini apan nidangop siya sa City Legal Office aron maseguro nga dunay legal nga basehanan ang siyudad.
Ang hepe sa City Office for Substance Abuse Prevention (COSAP) nga si Garry Lao niingon nga naa sa 487 ka magtutudlo sa 17 ka publikong tunghaan ang ilang na-drug test ug wala’y nagpositibo.
Maghuwat sila kun ang DepEd mopahibawo nga mahimo na nga ipadayon ang drug test sa mga magtutudlo.
Samtang si Mayor Tomas Osmeña pabor nga ipaubos sa drug test ang mga magtutudlo sa publikong tunghaan sanglit alang man sab kini sa kaayuhan sa mga tinun-an.
“Department of Education should take into consideration what happened to student with a bad teacher,” matud ni Osmeña. (BANAT NEWS)
- Latest
