Pagpamanhig sa NPA gikasuko ni Duterte

CEBU, Philippines — Gukdon bisan sa kinatumyang bahin sa kalibotan ang mga rebeldeng New Peoples’ Army nga ni-ambush sa mga polis apan nakapatay og masuso diha sa Bukidnon sa miaging Huwebes.

Mao kini ang panaad ni Presidente Rodrigo Duterte ug nanghinaot siya sa Commission on Human Rights nga mohimo usab sa ilang trabaho. Ang CHR daan ng gisaway ni Duterte ug sa iyang mga kaalyado, daan nang moimbestigar niining maong susamang krimen nga nakabiktima og mga kababayen-an ug kabataan. “I hope the (Commission on) Human Rights will take the cudgels for them….as for us, we will pursue them to the ends of the world,” sumala pa sa pangulo atol sa  press briefing pag-abot niya gikan sa Da Nang, Vietnam diha sa Ninoy Aquino International Airport.

Ang NPA – North Central Mindanao Regional Command miangkon nga ang ilang Mt. Kitanglad Sub-Regional Command maoy nihimo sa maong operasyon ug matud pa nila nasamdan ang police chief ug upat ka mga sakop niini nga ilang gipangkuhaan sa ilang mga armas.

Apan wala sila maghisgot kabahin sa upat pa ka bulang masuso nga napatay ug laing usa ka sibilyan nga naangol nga sakay sa usa ka SUV nga nasundan sa patrolcar nga ilang gi-ambush.

Matud pa nga ang target sa grupo mao ang patrol car sa Bumbaran Police Station sa lungsod sa Bumbaran, Lanao del Sur. Nagduda ang mga sakay sa SUV nga nagtuo ang mga NPA nga kauban sila sa maong patrolcar nga mi-overtake kanila. “If you are guilty of a crime, that’s no longer rebellion to me. There is no more ideology so I do not recognize the crime of rebellion,” matud pa sa pangulo. Gipahunong ni Duterte sa miaging mga buwan ang peacetalks tali sa NPA tungod sa padayon nilang pagpangatake bisan og nagsugod na ang panagsabot sa kalinaw.(IBM)

21-anyos naghikog

Naghikog patay ang usa ka 21-anyos nga lalaki ginamit ang usa ka habol didto sa usa ka gitrabaho pa lang nga panimalay sa iyang iyaan sa Sitio Sambag, Barangay Matab-ang, Dakbayan sa Toledo kagahapon sa buntag. Ang namatay giila nga si Ariel Rabago residente sa maong dapit. Sumala pa ni PO2 Jonathan Cuizon sa Toledo Police Station nga napalgan na lang sa mga iyaan nga silang Emelda Rabago ug Dianna Rabago si Ariel nga nagbitay na ug wala nay panimuot. Dali siya nga gikuha ug gisuwayan sa pagluwas ni Dianna kinsa nangangkon nga usa ka first aider apan wala na mobalik ang ginhawa ug pitik sa kasingkasing niini. Gidala nila kini sa tambalanan diin gideklarar siyang patay na. Wala pa matino kon unsay rason sa pagpakamatay sa maong lalaki  nga gihulagway sa mga iyaan nga hilumon kini apan nailo na kini ug diha na kanila magpuyo. - /IBM) (BANAT NEWS)