Banat ( Leaderboard Top ), pagematch: 1, sectionmatch: 1

Way waste water facility gireklamo

CEBU, Philippines — Tungod sa reklamo sa mga residente sa Barangay Tamiao 3, Compostela ngadto sa usa ka kompaniya nga walay water waste facility, nipahigayon og inspeksyon ang Environmental Management Bureau ug Commission on Human Rights sa maong lugar.

Matud ni Leo Villarino, chief investigator sa CHR-7, nga nakadawat sila og reklamo gikan sa mga nagpakabanang residente bahin sa problema nga ilang giatubang.

Base sa suwat nga ang hugaw sa maong kompaniya, kinsang pangan gitagoan lang una, adto deretso sa dagat diin nasinati sa mga tawo ang sobrang kabaho ug nangasakit na sab ang pipila kanila.

Gumikan sa maong reklamo nipahigayon og joint inspection ang duha ka ahensiya.

Gitug-an ni Villarino nga atol sa ilang pakisusi walay produksyon nga gihimo ang maong kompaniya apan sa initial nilang pakisusi wala silay nakit-an nga facility nga kalabayan sa hugaw sa maong kompaniya.

Kini ang hinungdan nga iyang gitahas ngadto sa EMB-7 ang technical nga pakisusi niini.

Sunod semana adunay technical conference nga ipahigayon ang EMB-7 hinungdan nga ang CHR-7 nag-monitor sa dagan sa pakisusi lakip sab ang mga hingtungdan nga pamilya sa lugar. (BANAT NEWS)

  • Follow Us: