Banat ( Leaderboard Top ), pagematch: 1, sectionmatch: 1

Tom dunay hagit kang Labella

CEBU, Philippines — Gihagit ni Cebu City Mayor Tomas Osmeña si Bise Mayor Edgardo Labella nga iesplikar ang giingong pakyas niini pagkombinser sa nilabay nga administrasyon nga dili mopadayon sa pagbaligya sa 45.2 ektaryang luna sa South Road Properties.

Si Osmeña nitubag sa pamahayag ni Labella nga ang konseho mosusi sa proposed P18 billion project sa SRP nga matud pa sukwahi sa unsay nahitabo sa nilabay’ng transaksiyon sa siyudad sa 2015.

Sigun sa mayor nga wala gigamit ni Labella ang iyang “authority” isip pangulo sa legislative body sa siyudad dihang gipasar ang resolusyon nga nagkanselar sa katungod ni kanhi mayor Michael Rama nga mopirma sa deed of sale sa mga dagkong developers.

“I challenge him why should I not file charges against him for not doing his job,” matud ni Osmeña.

Sa iyang bahin, si Labella niingon nga iyang tubagon ang reklamo sa mayor.

“I cannot imagine where is the corruption there,” sigun ni Labella.

Samtang sila si Konsehal Jocelyn Pesquera, Pastor Alcover Jr. ug Joel Garganera niingon nga tun-an sa konseho ang terms of reference sa maong proyekto ilabi na nga dunay mga buildings sa Kawit Island nga maapektuhan.

Si Pesquera niingon nga ang buildings sa Association of Barangay Councils, Seniors Citizens ug Sugbo Building ang nahimutang sa Kawit Island diin ang P18 billion project gitinguhang tukuron. Si Garganera niingon nga ang mayor dili angay “selective” sa pagpakigtrabaho sa mga investors ug locators sa SRP.

Samtang si Alcover niasoy nga sila sa oposisyon dili mobabag sa proyekto nga makahatag og kaayuhan sa siyudad ingon man sa mga Sugbuanon apan trabaho nila ang pagsusi sa mga proyekto. (BANAT NEWS)

  • Follow Us: