PAGCOR nidonar og duha ka bag-ong tunghaan

CEBU, Philippines — Duha ka pampublikong eskwelahan sa siyudad sa Sugbo ang nahatagan og bag-ong multi-storey building gikan sa Philippine Amusement and Gaming Corporation (Pagcor). Ang San Nicolas Elementary School ug Zapatera Elementary School pulos nahiagom og dakong kadaot atol sa 7.2 magnitude nga linog nga nahitabo niadtong Oktubre 2013.

Ang PAGCOR nigasto og minilyon ka pesos nga salapi sa pagpatukod og four-storey building aron katabangan ang mga tinun-an nga nag-antos sa kakuwang og classrooms.

Pinaagi sa pagtukod og bag-ong school building sa San Nicolas Elementary School, naundang na ang pag-implementar og shift-classes sa mga estudyante.

Gitataw ni SNES Principal Donald Crisologo nga nigamit sila sa labing karaan nga mga classroom aron lang makapadayon sa pag-eskwela ang mga bata.

Dako ang ilang pasalamat sa PAGCOR nga nidonar kanila og tunghaan nga hingpit na nilang nagamit human kini giinagurahan nila ni Vice Mayor Joy Augustus Young ug ubang mga opisyal sa Department of Education (DepEd).

Ang tunghaan sa Zapatera napatukoran sab og bag-ong four-storey building nga adunay 20 ka classroom.

Tungod niini, si principal Lana Escario nagtuo nga molambo na ang academic performance sa mga estudyante kay dili na sila maghuot kaayo sa usa ka kuwarto. Ang kuwarta nga gigahin sa Pagcor pagpatukod og mga tunghaan gikan sa bahin sa makita sa Pagcor, pinaagi sa pag-operate og gambling casino. (BANAT NEWS)