Sugbo subling gipasidunggan

CEBU, Philippines — Sa ikatulong higayon, naapil na usab ang Probinsya sa Sugbo sa mga awardees sa Seal of Good Local Governance (SGLG) sa Department of Interior and Local Government.

Unang  nahatagan niini ang  probinsya niadtong tuig 2015 unya sa 2016 ug karong 2017. Ang mga LGUs nga napasidunggan pinaagi sa SGLG mao kini ang mga LGUS nga nakatuman sa mga requirements ug nakapasar sa criteria sama sa good financial housekeeping, social protection, disaster preparedness, environmental management, business friendliness and competitiveness ug peace and order.

Ang DILG nagkanayon nga ang SGLG, simbolo sa taas nga standards ug integrity ug service delivery sa LGUs.

Si Gob. Hilario Davide III nagkanayon nga ang pagdaog sa probinsya sa ika-3 ka higayon nagpakita   sa participatory governance nga usa sa mga paagi aron nga matuman ang mandato sa gobiyerno.

“Winning this recognition of excellence for three straight years proves that participatory governance is one of the best ways in carrying out our mandate. It fleshes out new ideas with all stakeholders taking part in the formulation of sound policies, programs and projects of the Provincial Government,” matud ni Davide.

Matud sa gobernador nga nakuha sa probinsya sa Sugbo ang maong pasidungog pinaagi sa pagtinabangay sa gobiyerno ug katawhan ug padayunon kini sa Kapitolyo.

Gawas sa Probinsya sa Sugbo, ang dakbayan sa Naga, Sogod ug Tudela apil usab kini sa nakakuha og SGLG.  Base sa listahan 448 ka  mga LGUs ang nakapasar o nakakuha sa maong pasidungog. (BANAT NEWS)