Banat ( Leaderboard Top ), pagematch: 1, sectionmatch: 1

Osmeña: Angkas nakatabang sa mga sumasakay

CEBU, Philippines — Gipahibawo niadtong adlaw’ng Huwebes sa Land Transportation Franchising and Regulatory Board (LTFRB) nga ‘considered close’ na ang Angkas human nasuta sa ahensiya nga wala’y Mayor’s Permit aron sila maka-operate.

Ang Regional Director sa LTFRB-7 Ahmed Cuizon mipagawas og official statement mahitungod niini diin sigon niya ang Angkas walay pagtugot sa LTFRB nga mo-operate isip Transport Network Company (TNC). Kini midugang ang mga miyembro sab niini walay pagtugot sa ahensiya nga nga mo-operate isip Transport Network Vehicle Service (TVNS) providers.

Si Cuizon miasoy nga dugay ra nila gihuwat ang guidance gikan sa ilang Central Office mahitungod niini ug ang lakang ni LTFRB Board Member Aileen Lourdes Lizada batok sa unauthorized TNC ug TNVS operations sa Angkas sa Manila naghatag sa ilaha og klarong direksiyon kun unsay buhaton.

“We will follow our Board’s directives and implement LTFRB rules against such illegal public transport operations,” sigon ni Cuizon.

Dinhi sa Cebu City daghang mga sumasakay nga mo-book sa Angkas ilabi na kun gusto nila nga dili matanggong sa traffic ug makaabot dayon sa ilang destinasyon. Si Cebu City Mayor Tomas Osmeña miingon nga dili prayoridad sa siyudad ang pagdakop niining Angkas kay trabaho kini sa LTFRB apan matud niya ‘beneficial’ sa publiko gyud ang Angkas.

 “No, because habal-habal is providing a service that cannot be provided by other ways and Angkas is a way of improving our traffic situation because they don’t have to make standby in a corner and block the intersection. It’s not my priority, I will not say I will defy the law, I’ll just say it’s not my priority,”matud ni Osmeña. (BANAT NEWS)

  • Follow Us: