Basura bugti sa sardinas palapdan
CEBU, Philippines — Palapdan pa ni Cebu City Mayor Tomas Osmeña ang ‘Basura Mo, Sardinas Ko’ program sa mga coastal barangay sa siyudad sa Sugbo kay pwerte nang hugawa sa kabaybayonan sa siyudad.
“We should start cleaning the drainage from the outlet which is the sea, then going upwards. When you clean upward, like Tisa when it rains and the drainage just clean mosamot ang Alaska ka-clogged up,” sigon sa mayor. Sigon ni Osmeña nakita niya nga epektibo ang programa dihang kini gisugdan diha sa Barangay Cogon Pardo ug Lahug.
Niadtong buwan sa Enero ning tuiga dihang gilusad sa Cebu City Government ang maong proyekto sa duha ka barangay ug nakapalit na ang siyudad og P5 million nga kantidad sa mga sardinas ubos sa Accelerated Social Amelioration Program Account.
Sa Cogon Pardo, ang koleksyon sa maong proyekto magsugod sa alas 9 sa buntag hangtod na sa udto ug sa Lahug gikan sa ala-1 sa udto hangtod na sa alas -3 sa hapon.
Ang siyudad mohatag og sardinas sa mga molabay sa ilang basura direkta sa compactor trucks nga iya sa siyudad. Usa ka latang sardinas matag plastic bag ug duha ka latang sardinas matag usa ka sakong basura.
Giingong gisunod ni Osmeña ang maong proyekto sa Curitiba, Brazil diin ang mga tawo giawhag sa pagkolekta og basura nga ilisan og itlog. (BANAT NEWS)
- Latest
