Namukot nalumos
CEBU, Philippines — Nalumos patay ang usa ka 45-anyos nga mangingisda nga namukot kauban iyang anak diha sa Sitio Tikoy, Barangay Bogo, sa lungsod sa Argao kagahapon sa buntag. Ang namatay mao si Orlan Mamac Cobol, kinsa sumala pa sa anak niini nga si Orlan Mamac Cobol Jr. ngadto sa kapolisan nakainom ang amahan samtang sila namukot.
Sigun pa ni SPO3 Jose Repompo sa Argao Police Station nga alas-4 sa kaadlawon namukot kauban ang iyang anak si Cobol ug pipila nila ka silingan.
Apan kalit nga nawala kini sa ilang panan-aw ug nagtuo lang sila nga niuna kini og pauli nga walay pananghid, apan wala gyud kini naabot sa ila ug nianang pagkabuntag napalgan kini nga patay na sa baybayon.
Wala na gipa-otopsiya sa kabanay ang patay’ng lawas kay nagtuo sila nga aksidente kining nalumos. -/IBM (BANAT NEWS)
- Latest