Pagkapili sa Sugbo gihangop
CEBU, Philippines — Gihangop ni Gob. Hilario Davide III ang pagkapili sa Sugbo sa top best islands sa tibook kalibotan sa usa ka luxury ug lifestyle travel magazine.
Sa resulta sa Condé Nast Traveler’s Readers’ Choice Awards survey karong tuiga, ang Sugbo ug Visayan islands ang ikaduha sa Boracay sa “The Best Islands in the World.”
Ika-3 sa ranking mao ang Palawan samtang Mallorca sa nasod sa Spain ug Mykonos sa nasod sa Greece usab ang nikumpleto sa top 5.
Si Davide nagkanayon nga ang maong survey nagpakita lang nga adunay ikabuga ang isla sa Sugbo.
“We are really making waves; Cebu is known throughout the globe as a premiere tourist destination. That’s why we support activities relating tourism diri sa Cebu,” matud ni Davide.
Sa website sa Condé Nast Traveler’s gisaysay nga ang Sugbo gipalibotan sa mga maanindot nga beaches. “Not as wild as Phuket in Thailand, Cebu City is more personal, with plenty of up-and-coming restaurants and shopping” matud sa maong travel magazine.
Matod niya magpadayon ang pagsuporta sa probinsya sa kalihokan sa tourism sector hilabina pag-abot sa community based tourism.
Ang pagpili sa Readers’ Choice Awards sa mga best islands sa tibook kalibotan gipahigayon niadtong Abril 1 ngadto sa Hulyo 1 karong tuiga nga nag-cover sa mga isla gawas sa Amerika. (BANAT NEWS)
- Latest
