Nangandam na sa Kalag-kalag, Pasko
Nimando sab si Doria nga padaghanon ang police visibility sa kadalanan sa siyudad pinaagi sa pagbutang og mga mobile patrol ug polis nga mag-foot patrol. Philstar.com/File
CEBU, Philippines — Gisugdan na sa pagpakatap ang kapolisan sa Probinsiya ug Dakbayan sa Sugbo gumikan sa nagkaduol nga Kalag-kalag ug Pasko.
Sa Dakbayan sa Sugbo, si Cebu City Police Office Director, Senior Supt. Joel Doria, niingon nga anam-anam na silang nagbutang og mga assistance desk sa nagkadaiyang sementeryo, pantalan ug bus terminal.
Nimando sab si Doria nga padaghanon ang police visibility sa kadalanan sa siyudad pinaagi sa pagbutang og mga mobile patrol ug polis nga mag-foot patrol.
Ipahigayon sab ang checkpoints ug Oplan Sita ngadto sa mga mag-motorsiklo aron malikayan ang mga kaso sa riding-in-tandem.
Samtang sa Probinsiya sa Sugbo, nitataw ang bag-ong direktor sa Cebu Provincial Police Office, Senior Supt. Edgar Alan Okubo, nga nagpakatap na sab sila og kapolisan sa nagkadaiyang parte sa probinsiya.
Matud niya nga hangtud na sa Pasko ang maong pagpangandam. (BANAT NEWS)
- Latest
