Bato: Andam batok drugas

CEBU, Philippines — Andam ang kapolisan nga ibalik kanila ang operasyon batok sa ilegal nga drugas.

Kini ang gipadayag ni Police Director-General Ronald dela Rosa nunot sa positibong resulta sa Social Weather Stations o SWS survey kabahin sa pagpakigbatok sa drugas sa kapolisan.

“Pasalamat mi kay at least, kung tinuod na nga mao na ang sentimento sa publiko, then buot pasabot ang publiko nakadayeg sa atong gihimo. We are just here waiting for the orders of the President kung ibalik. Hulat-hulat lang mi kung ibalik ug unta kayahon sa PDEA,” matud ni Dela Rosa.

Gimanduan ni Presidente Rodrigo Duterte ang Philippine Drug Enforcement Agency nga maoy mohimo sa pagpanakop sa mga durugista sa tibuok nasud bisan aduna lang silay kapin usa ka libo ka sakop. (BANAT NEWS)