Clamp sa CCTO panggub-on

CEBU, Philippines — Nagkanayon ang operations head sa Cebu City Transportation Office, Francisco Ouano, nga sa 100 ka bag-ong clamps, duha na niini ang naguba.

Matud ni Ouano nga human ilang i-clamp ang mga sakyanan nga nag-illegal park sa kadalanan, ila kining kuhaan og hulagway ug biyaan ra maong dili gyud kalikayan nga dunay mga insidente diin ang clamp gub-on aron makuha ang sakyanan.

Maong gihimo nila ang pag-document niini diin gawas sa pagkuha og hulagway ila sad kining ipa-blotter.

Gani duna nay insidente diin ang tag-iya sa sakyanan nga ang clamp naguba nakabayad og P9,000 nga maoy kantidad sa bag-ong clamp.

Ang CCTO nakig-alayon sa Land Transportation Office aron pagsuta sa tag-iya sa sakyanan nga ma-clamp. Hinoon wala pay napapriso nga niguba sa clamp sanglit wala man silay nasakpan sa akto.

Tuyo sa CCTO nga madisplina gyud ang mga motorista ilabi na ang mga magpataka og parking. (BANAT NEWS)