Pagpatay kang Largo kuwang pa

CEBU, Philippines — Gipahibawo sa hepe sa kapolisan sa Siyudad sa Talisay nga wala pa masulbad ang kaso sa pagpatay kang John Ronli Calizar, kinsa anak sa kanhi reporter, bisan napatay na ang suspek nga si Jessie Largo.

Matud ni Supt. Jason Villamater nga ang kuyog ni Largo ang pabilin pa nga gawasnon.

Si Villamater nitataw nga mahimo ra kaayo nga motahan na lang sa iyang kaugalingon ang kauban ni Largo.

Ang inahan ni Calizar nga si Ferliza Contratista nipadayag nga mas maayo unta nga buhi si Largo aron makasulti kun kinsa ang iyang kuyog sa pagbuhat sa krimen.

Apan matud ni Villamater nga mas gipili ni Largo nga dili magpadakop nga buhi dihang nisukol kini sa kapolisan nga niresulta sab sa pagkaangol ni PO3 David Naraja Jr. (BANAT NEWS)