‘Road rage’ susihon sa LTO

CEBU, Philippines — Nimando na ang regional director sa Land Transportation Office, Alita Pulga, sa iyang mga tawo sa pagkuha og blotter sa Mabolo Police Station sa giingong road rage nga nikatap sa social media diin usa ka driver sa ACS 1476 Innova color gray ang nisikad-sikad sa usa ka taxi diin adunay nasamdan nga pasahero.

Matud ni Pulga nga iyang padad-an og imbitasyon ang taxi driver ug ang driver sa Innova.

Duha ngadto sa tulo ka subpoena ang ilang ipadala ug anaa na sa operator sa maong taxi kung kuyogan niini ang iyang driver.

Ang tag-iya sa sakyanan gikan sa Bohol ug narehistro kini sa Dakbayan sa Sugbo ug giawhag ang nalambigit niini sa pagbisita sa ilang buhatan. (BANAT NEWS)