ITOP 2017 ipahigayon sa Sugbo
CEBU, Philippines — Nia sa Sugbo ang mga representante sa dili mominus walo ka nasud sa Asya alang sa Inter-Island Tourism Policy (ITOP) Forum.
Karong tuiga ang Probinsiya sa Sugbo maoy napili nga host sa maong kalihukan diin apilan kini sa mga probinsya sa nagkadaiyang nasud nga nag-promote og kultura ug turismo sa ilang mga lugar.
Matud ni Joselito "Boboi" Costas, pangulo sa Cebu Provincial Tourism Office nga karong tuiga ang ITOP mohisgut sa Meetings, Incentives, Conferences and Exhibitions (MICE) diin ang kalihukan adunay tema nga, “Synergizing MICE with Culture and Heritage."
Apil sa mga probinsya nga moapil sa ITOP 2017 mao ang Phuket, Thailand; Hainan, China; Okinawa, Japan; Jeju Island, South Korea, ingon man ang probinsya sa Sri Lanka ug Cambodia samtang ang Lalawigan sa Sugbo ang representante sa Pilipinas.
Ang kalihokan magsugod karong adlawa hangtud sa petsa 19 diin gipaabot nga tambungan kini sa dili mominus sa 200 ka partisipante gikan sa tourism sector sa Probinsya sa Sugbo. (BANAT NEWS)
- Latest
