Palma: Vidal angay i-ampo

CEBU, Philippines — Giawhag ni Cebu Archbishop Jose Palma  ang mga magtutuo nga ilakip sa pag-ampo si Archbishop Emeritus Ricardo Cardinal Vidal samtang pabilin pa kini karon nagpaalim sa tambalanan.

Matud pa ni Palma, wala pa gayud sila makasiguro unsa ang kahimtang sa Cardinal tungod kay padayon pa ang gihimo nga monitoring ug test  kaniya hinungdan nag-awhag siya sa mga magtutuo nga ilakip siya sa ilang mga pag-ampo.

Sumala pa ni Palma, atol sa iyang pagbisita kang Vidal Biyernes sa hapon natulog kini apan adunay mipahibalo kaniya nga mosanong na ang cardinal ilabi na kung makadungog kini og mga pamilyar nga tingog.

Dugang pa ni Palma, maoy tinguha sa Cardinal nga makaabot gyud siya sa Beatification ni Msgr. Teofilo Camomot, hinungdan angayan kining i-ampo alang sa kaayohan niini ug makabaton kini og maayong panglawas. - /IBM) (BANAT NEWS)