Banat ( Leaderboard Top ), pagematch: 1, sectionmatch: 1

Anak gipatay sa papa

CEBU, Philippines — Anak giunay og pusil patay sa kaugalingong amahan human sila magkasumpaki tungod kay wala kini mituman sa sugo kaniya didto sa Sitio San Vicente, Barangay Saksak sa lungsod sa Aloguinsan niadtong Miyerkules sa gabii.

Gikatahong gipusil patay ni Felix Canencia Sr. 60, ang iyang anak nga si Felix Canencia Jr. 34, nga naigo katulo ka higayon sa lawas.

Sigun pa sa imbestigador sa maong kaso nga si PO1 Lyle Joseph Ugdamen sa Banat News,  Miyerkules gisugo sa amahan ang biktima nga manggabas og kahoy tungod kay adunay mi-order kanila ug kini kuhaon kagahapon.

Apan matud pa nga namista hinuon ang biktima kuyog sa iyang mga higala didto sa barangay Olango.

Pagkagabii niana, gipangita sa suspek ang iyang anak kuyog sa iyang usa pa ka anak nga si Jason Canencia, 23, ug didto naabtan nila ang motor sa biktima nga nakaparada dapit sa panimalay sa higala niini. Sa pag-adto nila didto pwerteng huboga sa biktima maong nagkatinubagay ang duha ug napusilan sa amahan makatulo ka higayon sa dughan ug sa tiil.

Daling gidala sa Carcar District Hospital ang biktima apan gideklarar kining dead on arrival.

Sigun pa sa maong imbestigador nga ang suspek nangangkon nga wala niya tuyoang mapatay ang anak kay nadala ra siya sa iyang kalagot. Ang bugtong saksi nga si Jason desididong mopasaka og kaso batok sa amahan. (BANAT NEWS)

  • Follow Us: