Banat ( Leaderboard Top ), pagematch: 1, sectionmatch: 1

Wa magkadimao ang pamahayag

CEBU, Philippines — Ang imbestigador sa Homicide Section nga si SPO2 Wetzel Berry miingon nga gimugna-mugna lang ang reklamo nga nangawat ang biktima nga si Lendon Abadinas hinungdan nga gidakop siya sa mga barangay tanod sa barangay Ermita niadtong Lunes sa gabii.

Matud pa nga walay reklamante ang mipamatuod nga nangawat ang biktima. Si Abadinas mao ang namatay dihang gikatahong gipusil kini sa barangay tanod nga si Junnel Sanchez gawas sa Barangay Ermita niadtong Martes sa kaadlawon.

Gawas niini, giingong gikulata kini sa mga tanod sa wa pa kini gipagawas sa selda aron unta i-turnover sa kapolisan niadtong kaadlawon sa Martes.

Nakadagan pa kini sa estasyonan sa polis sa Ermita aron magpakitabang apan nakabsan kini sa kinabuhi dihang gidala kini sa tambalanan.

Kahinumdoman nga mi-surrender sa kapolisan ang maong tanod samtang ang usa ka tanod nga si Jerome Miral gidakop sa kapolisan dihang adunay saksi nga mitudlo nga siya ang mikulata sa maong biktima.

Matud pa nga wa magkadimao ang unang mga pahayag sa duha ka mga dinakpang barangay tanod tungod kay sa alegasyon pa ni Miral nga bunalan unta siya og tubo sa biktima hinungdan nga iya kining gidakop apan sigun pa ni Sanchez nangawat ang biktima sa usa ka tindahan sa Freedom park.

"Layo kaayo sa tinuod, how come man makasukol nga nakaposas man to unya naka-tape before migawas barangay hall. Defenseless gyud ang biktima," si Berry miingon. Ang Regional Director sa Police Regional Office 7 nga si Chief Supt. Jose Mario Espino mibutyag nga pwede gyud magbutang og mga detention cell ang mga barangay hall apan gikinahanglang i-turnover kini dayon sa kapolisan. (BANAT NEWS)

  • Follow Us: