Mga nailo tabangan sa kapitolyo
Sa pagkakaron ang Municipal Social Welfare Office sa Consolacion ang nag-atiman sa mga bata apan gipaabot nga modangop kini sa Kapitolyo. Kristine Joyce W. Campa
CEBU, Philippines — Andam mohatag og kapuy-an ug mopaeskwela ang Kapitolyo sa duha ka anak sa usa ka inahan nga giputlan og ulo sa iyang kapuyo sa Tayud, Consolacion niadtong Sabado.
Si Bise Gobernador Agnes Magpale, co-chairperson sa Provincial Women’s Commission (PWC), nagkanayon nga automatic nga mohatag og burial assistance ang Kapitolyo ngadto sa pamilya.
Sa pagkakaron ang Municipal Social Welfare Office sa Consolacion ang nag-atiman sa mga bata apan gipaabot nga modangop kini sa Kapitolyo.
“Ang kanang mga bata mao na ang most difficult part, kung asa na nimo ibutang adto ba sa Sudlon,” matud ni Magpale.
Ang Kapitolyo adunay pasilidad sa Sudlon, Lahug, Dakbayan sa Sugbo diin pwede ikustodiya ang mga bata nga nabiyaan ug giabusohan. Si Magpale nagkanayon nga bisan pagpaeskwela sa mga bata moabaga ang kagamhanan sa probinsya hangtud mahuman.
Ang inahan sa 3-anyos ug usa ka tuig nga bata mao ang 25-anyos nga si Lovely Jane Quiño kinsa giputlan sa ulo, kamot ug tiil sa iyang kapuyo nga si Dominic Pahugot, 27, kinsa napatay sab sa kapolisan. (BANAT NEWS)
- Latest
