517 kawani sa Kapitolyo gi-drug test
Unang napaubos sa drug test ang di momenus 240 ka mga empleyado gikan sa legislative department o katong mga empleyado sa mga provincial board members ug nagpadayon pagkahapon. Philstar.com/File
CEBU, Philippines — Moabot 517 ka mga empleyado sa Kapitolyo ang gipaubos sa random drug test sa Cebu Provincial Anti-Drug Abuse Office (CPADAO) kagahapong adlawa diha sa Capitol Social Hall alang sa “drug free workplace” nga gitinguha sa probinsya.
Matud ni Marlon Ligan sa CPADAO nga human sa flag raising ceremony sa Kapitolyo gahapon gianunsyo ang maong drug test kun diin ang Human Resource Office nipagawas sa memorandum kun naapil ang mga pangalan sa mga empleyado nga maapil sa maong drug test.
Unang napaubos sa drug test ang di momenus 240 ka mga empleyado gikan sa legislative department o katong mga empleyado sa mga provincial board members ug nagpadayon pagkahapon. Matud ni Ligan walay nisibat sa empleyado samtang gihimo kini.
Si Gob. Hilario Davide III nagkanayon nga katong mga job order employee nga magpositibo sa maong drug test matangtang gyud kini sa trabaho apan ang mga casual ug regular nga empleyado moagi pa og proseso apil na niini ang pag- assess sa level sa drug dependency niini. (BANAT NEWS)
- Latest
