Negros Oriental tabangan sa PRO-7 batok NPA
Ang tigpamaba sa Armed Forces of the Philippines Central Command, Col. Medel Aguilar, niawhag sa katawhan sa Negros Oriental nga dili magpadala sa kahadlok sa presensiya sa mga rebeldeng New People’s Army sanglit anam-anam na kini nga nabungkag. — Kristine Joyce W. Campaña
CEBU, Philippines — Mopahigayon ang Regional Intelligence Division sa Police Regional Office-7 og mga joint operations kauban ang militar human nasuta nga aktibo pa ang mga rebeldeng New People’s Army sa pipila ka bahin sa Negros Oriental. Ang pamahayag giluwatan sa hepe sa RID, Senior Supt. Jonathan Cabal nunot sa pagkabalik na sa Negros Oriental sa Central Visayas.
Matud ni Cabal nga nakita ni PRO-7 Director Jose Mario Espino ang problema sa mga rebelde human sa ambush nga nahitabo sa kapolisan sa Guihulngan City nga nakapatay sa hepe nga si Supt. Arnel Arpon.
Matud ni Cabal nga gikinahanglan sab nila ang suporta sa publiko sa paghatag og impormasyon sa presensiya sa mga rebelde ug teroristang grupo. (BANAT NEWS)
- Latest
