Nakigduwa sa wa pa naghikog
CEBU, Philippines — Napalgang wala nay kinabuhi ang 13-anyos nga lalaki sulod sa lawak sa panimalay sa iyahang apohan sa Brgy. Tubigagmanok, Asturias ala una pasado sa hapon niadtong Lunes.
Ang namatay tinun-an sa Grade 11 sa Santa Lucia High School, kinsa giingong nipauli gikan sa tunghaan pasado alas 12 sa udto ug niingon sa iyang lola nga dili siya mosulod sa klase pagka-udto.
Nibutyag ang lola nga nakigduwa pa ang biktima sa iyang mga ig-agaw sa wala pa napalgi ang iyang patay’ng lawas.
Giingong giagni pa kini sa iyang menor de edad nga mga ig-agaw nga adto magduwa sa gawas apan nibalibad kini ug nag-inusarang nagpabilin sulod sa panimalay.
Human namatikdi nga wala nay kasikas sulod sa lawak, gisusi kini sa iyang mga ig-agaw ug didto napalgan ang iyang lawas nga nawad-an na sa panimuot.
Nitawag og tabang ang iyang mga ig-agaw ug daling niresponde ang ilang silingan nga babaye kinsa maoy niputol sa gilibod-libod nga sapot nga maoy gibitayan sa iyang ulo.
Matud ni PO3 Victor Calimpang sa Asturias Police Station nga gisuwayan pa pagdala ang bayong-bayong sa Asturias Infirmary Clinic apan gideklarar kini nga patay na. (BANAT NEWS)
- Latest