Puya gisud sa galon
CEBU, Philippines — Patay nga puya nga gibanabana nga lima ngadto sa unom na ka bulan ang napalgan nga gisulod sa dakong gallon sa tubig sa dispenser ug gibilin lang sa kabatoan nga bahin sa Barangay Agus, Dakbayan sa Lapu-Lapu.
Ang mga nanginhas nga giila lang nga si Roy ug Dondon nga sayong nangadto sa hunasan maoy nakakaplag sa maong gallon.
Matud pa nga sa sinugdanan nagtuo silang sudlanan og kinhason nga posibleng nabiyaan sa unang nanginhas ang maong gallon.
Apan dihang ilang gitan-aw og maayo ang sulod ilang nasuta nga gamay nga bata kini nga nagdala pa sa iyang inonlan.
Si Barangay Kapitan Jimboy Igot sa Barangay Agus nga nakadawat sa maong kasayuran nipahibalo sa kapolisan sa Presinto 4 sa LLCPO ug dali nga nakatubag sa maong alarma.
Naghimo pa og imbestigasyon ang kapolisan alang sa pag-ila kun kinsa ang inahan sa maong puya nga ilang gituohan nga lumolupyo lamang sa maong dapit. (BANAT NEWS)
- Latest
