KG9 sa Ex-NPA gisurender
Ang kanhi sakop sa New People’s Army nga si Manuel Valejo (tunga) nitahan sa iyang KG9 nga armas sa Civil Security Unit sa Kapitolyo ug Provincial Public Safety Company niadtong Lunes.—Lorraine Mitzi A. Ambrad
CEBU, Philippines — Nitahan sa iyang armas ang usa ka kanhi sakop sa New People’s Army ngadto sa Kapitolyo niadtong Lunes.
Si Manuel Roble Valejo, 45, nitugyan sa iyang KG9 nga armas sa buhatan sa Civil Security Unit (CSU) sa Kapitolyo nga gipangulohan ni Roberto “Bobby” Legaspi.
Si Valejo, natawo sa Santican, Dakbayan sa Danao, dugay na nihawa sa NPA ug karon malinawon nga nagpuyo isip tanod sa barangay Quisol sa maong dakbayan.
Si Valejo nagkanayon nga 15-anyos pa lang siya iyang napalit ang maong armas niadtong tuig 1987 sa kantidad nga P45 mil.
Iyang gisurender ang armas aron matud pa niya wala na siyay pagalingion.
Si Valejo adunay pito ka anak nga nag-edad og 3-anyos ngadto sa 22-anyos kinsa tulo niini ang nagtrabaho na ug ang uban nag-eskwela.
Siya nagkanayon nga nisalig siya sa Kapitolyo hinungdan nga didto niya gisurender ang iyang armas.
Si Legaspi nitugyan sab sa maong armas ngadto sa Provincial Public Safety Company. (BANAT NEWS)
- Latest
