Pari:Shame campaign pagyatak sa dignidad
CEBU, Philippines — Usa ka opisyal sa Artsidiyosisis sa Sugbo misaway sa shame campaign isip programa kontra ilegal nga drugas ug ang pagpatay sa mga drug suspects maisip nga pagyatak kini sa dignidad sa tawo.
Si Cebu Auxiliary Bishop Dennis Villarojo mipasabot nga ang tawhanong katungod ug dignidad “inviolable” o dili gyud angay tumban ug kini sagrado ug angay respetahan.
“Kining shame campaign ug kining pagpamatay, supak gyud kini sa dignidad sa tawo,” matud niya.
Siya nagkanayon nga kinahanglan mangita og alternatibo nga solusyon sama sa pagtabang sa mga naggumon na aron sila magbag-o sama sa community-based drug recovery program.
“Ang uban dili na moatiman ug bahala na lang kon unsay ikasulti sa uban basta sila nagumon ug wala nay makatabang nila kondili ang kaning drugas,” matud niya. (BANAT NEWS)
- Latest