Community Based Treatment trabaho sa Barangay

CEBU, Philippines — Nagpahigayon og orientation sa Community Based Treatment (CBT) ug After-Care Program alang sa drug surrenderers ang Cebu City Office for Substance Abuse Prevention (COSAP).

Ang maong kalihukan gitambongan sa opisyales sa barangay, Committee on Peace and Order ug Gender and Development (GAD) personnel. Ang pangulo sa COSAP nga si Garry Lao nagkanayon nga ilang gipasabot ang barangay officials nga dili contest ug dili usab kini paunhanay kay ang importante, ang kabarangayan adunay programa alang sa ilang drug surrenderers.

Tungod kay ang mga barangay man maoy naghimo sa lista dihang gihimo ang Oplan TokHang sa kapolisan.

Dugang ni Lao, gipangayoan nila og update ang mga barangay ug nasuta nga siyam ka barangay ra ang naka-establisar sa ilang CBT ug kini gilangkuban sa Sambag 2, Taptap, Bonbon, Pung-ol Sibugay, Buot, Tabunan, Suba, Quiot, ug Cogon Pardo.

“There are other barangays as well nga naay mga religious sector ang ni-initiate. Okay ra man na siya, pero mas maayo gyud, there will be a profiling,” sigon ni Lao.

Dugang ni Lao nga nagpadala sila og kopya sa DDB resolution ug isip Co-chairperson sa CADAC nga anaa sa resolusyon nga ang BADAC mo-submit og report sa ilang CBT program ug ang COSAP mosusi niini sunod buwan aron sa pagpangayo og kalambuan.

Iyang gihulagway nga mandato sa mga barangay ang pag-atiman sa ilang drug surrenderers ug gani adunay mga barangay nga anaa sa ilang budget plan ang pag-establisar og CBT apan wala pa na-implementar.

Gihimug-atan ni Lao nga importante ang CBT samtang ang siyudad wala pay rehabilitation center.

“The government shall take, look for another ways unsaon nato, anhi ta sa CBT mag-establish ta sa gitawag nato nga We Care Program sa mga surrenderers,” pasabot ni Lao.

Si Lao nidugang nga kun adunay mga barangay nga dili motuman, ang Department of Interior and Local Government ang mopahamtang kanila og silot ug dili ang ilang buhatan kay wala man sila’y gahom sa pagpatuman og silot. - /DILT) (BANAT NEWS)