Pusher gipadakop sa mga opisyal sa barangay
CEBU, Philippines — Gipadakop sa mga opisyal sa Barangay Tabunok, Dakbayan sa Talisay ang ilang konstituwente nga tigpayuhot og ilegal nga drugas sa Sitio Molave niadtong Huwebes sa hapon.
Ang dinakpan nailhan nga si Ruel Campo alyas Cuwal, 51-anyos nga nagpuyo sa maong dapit.
Si PO2 James Cabrillos sa Talisay City Police Station niingon nga gi-report na si Campo sa ilang mga opisyal tungod sa padayon nga pagpamaligya niini og drugas.
Dali sab nga gihimo sa kapolisan ang buy-bust operation ug didto nakwelyuhan gyud si Campo.
Nakuhaan siya og 22 ka gagmay nga pakete sa shabu nga nitimbang og 1.76 gramos nga gibana-bana nga kantidad og P8,800.
Gikalipay sa mga opisyal sa barangay ang pagkasikop ni Campo kinsa gitanggong na sa bilanggoan. (BANAT NEWS)
- Latest
