Talisay CJ may warden na sa mga babaye
CEBU, Philippines — Nilingkod na isip warden sa mga babayeng priso si Insp. Eve Valentine Senining sa Talisay City Jail sugod niadtong unang semana sa Septiyembre.
Matud ni Jail Supt. Gil Inopia nga si Senining maoy warden sa mga babaye samtang siya sa mga lalaki.
Asoy pa niya nga lahi na kini tungod kay si Senining na man gyud ang responsable sa mga priso nga babaye ug dili pareho kaniadto nga iya ang tanang piniriso.
Sa pagkakaron wala pa kabalhin sa bag-o nilang selda ang mga prisong babaye tungod kay naa pa man sa 95 porsiyento ang pagtrabaho.
Apan si Inopia nipasabot nga mag-usa lang una sila og opisina ni Senining tungod kay wala pa man kini nahimoi og opisina.
Gitataw ni Inopia nga makasulod og 100 ka piniriso ang bag-ong selda nga hapit na gyud mahuman nga naa ra gihapon sulod sa compound sa TCJ. (BANAT NEWS)
- Latest
