Drug test sa mga magtutudlo sunod pa buwan

CEBU, Philippines — Giuswag ngadto sa Oktubre ang pagpaubos sa drug rest sa mga magtutudlo sa Cebu Province Division. Karon untang semana ang sugod sa drug test sa mga teaching ug non-teaching staff sa mga eskwelahan matud ni Ivy Durano-Meca, pangulo sa Cebu Provincial Anti-Drug Abuse Office (CPADAO).

Sayo niini si Meca nipahibawo nga nihatag na og pagtugot ang Department of Education nga mopahigayon sila sa drug test.

Matud ni Meca nga ang CPADAO ang mopili sa schedule ug eskwelahan nga pahigayunan niini ug makig-coordinate sila sa DepEd Cebu Division. Ang drug test subay kini sa memorandum sa Civil Service Commission. Si Meca wala nibutyag kung asa sila magsugod nga eskwelahan. (BANAT NEWS)