Nasamdan sad
CEBU, Philippines — Dali kini nilang gidala sa tambalanan, una sa Cebu City Medical Center, apan ilang gibalhin sa Vicente Sotto Memorial Medical Center, tungod kay kinahanglan kini og espesyalista.
Gitug-an sa iyaan nga dili magpahingalan, tungod sa ilang karatol ilang gidala si Mambiar sa tambalanan ug ang bag nga gipanag-iya diay ni Bolongaita, ilang gibiyaan sa ilang balay lakip ang motor nga gidrayban niini.
Giangkon sa iyaan nga wala gayud sila kahibalo nga nakapatay ang iyang pag-umangkon apan dihang naabot ang mga polis kuyog si Konsehal Dave Tumulak iya kining gi-turnover kanila.
Base sa pamahayag sa iyaan wala siya masayod unsay trabaho sa iyang pag-umangkon apan ang kapulisan nitug-an nga kristo sa buwangan si Mambiar.
Ang inahan sa suspetsado wala na mohatag og pamahayag bahin sa gibuhat sa iyang anak apan dili siya makatuong nakapatay ang iyang anak.
Base sa nahitabo sa suspek gituohang nisukol ang biktima gamit ang pinote nga pirme niining itupad sa pagkatulog.
Gisusi pa sa medico legal kun gilugos ba ang biktima tungod kay giingong wala na kini sapot dihang nakaplagan.
Daghan sa mga higala ni Bolongaita ang nasubo sa daling kamatayon niini apan nidayeg kaniya tungod sa kaisog niini nga nakigbugno sa suspetsado nga nipatay niini.
KBP nikondenar
Si Fr. Roberto “Bobby” Ebisa, General Manager sa DyRF ug 89.1 Power FM ug kasamtangan nga chairman sa KBP-Cebu Chapter nipaabot sa iyang pahasubo sa pamilyang Bolongaita.
Si Ebisa mipasalig nga ang KBP Cebu Chapter mosuporta sa pamilya ni Bolongaita ug mikondenar sa maong linoog nga krimen.
“Deepest sympathy to the family of Alex "Q-Breaker" Bolongaita, a well respected broadcaster, a friend, for the inexplicable death of Maxie B. We are shocked beyond words.
She was just our host for the opening of the KBP Month 2017 few Sundays ago-- a task she accomplished with flying colors... KBP Cebu chapter assures Alex Bolongaita of our support and prayers even as we condemned in the strongest term possible this crime that shattered the dreams and aspirations of a young, God-fearing and promising broadcaster,” matud pang Ebisa.
Malacañang motabang
Sa laing bahin, si Presidential Communications Operations Office Undersecretary Joel Sy Egco kinsa naatol nga imbitado sa Cebu Citizens Press Council kagahapon misaad nga motabang sila paghimo og imbestigasyon sa nahitabo kang Maxi.
Matud pa ni Egco kinsa mao usab ang Executive Director sa Task Force on Media Killings gikinahanglan nilang moapil sa imbestigasyon isip tahas nga gihatag kanila ubos sa Executive Order No.1 ni Pres. Duterte nga mao ang Freedom of Information order.
Sumala pa niya, sakop sa iyang buhatan ang pag-imbestigar sa mga media killings, harassment, pagpanghulga ngadto sa mga sakop sa media aktibo man o kadtong nigawas na sa pagpamalita. (BANAT NEWS)
- Latest
