Security control center sa Comelec i-activate
CEBU, Philippines — I-activate na ang Provincial Joint Security Control Center sa Commission on Elections isip kabahin sa pagpangandam sa eleksiyon sa Barangay ug Sangguniang Kabataan karong Oktubre.
Matud ni Provincial Election Supervisor, Atty. Lionel Marco Castillano, nga wala nila kini buhata sa sayo pa sa pagtuo nga maoktaba ang eleksiyon.
"Well naa man gud resolution nga taud-taud na nga ipa-activate ang Provincial Joint Security Control Center, so medyo wala nato na buhata sa una to think nga dili madayon ang eleksiyon," matud ni Castillano.
Ang election period magsugod karong Sabado, Oktubre 23 atol sa pagsugod sa pagsang-at sa certificate of candidacy hangtud mahuman ang eleksiyon sa Oktubre 30.
Ang pagpangampanya gitugot sugod sa Oktubre 12 hangtud Oktubre 21.
Bisan sa hugon-hugon nga ma-oktaba ang eleksiyon apan duna nay nanguha og porma sa CoC sa buhatan sa Comelec sama sa Dakbayan sa Mandaue.
Si Subangdaku Barangay Kapitan ug presidente sa Association of Barangay Councils sa dakbayan, Ernie Manatad, niingon nga andam na ang iyang CoC ug gikatakda na ang iyang pagduso niini karong Sabado.
Laing nagtinguha nga mokandidato sa umaabot nga piniliay sa barangay nga si Luis Perez sa Casuntingan ang nikuha sab og porma aron pagseguro nga makaduso siya niini basin kung mahinayon ang eleksiyon. (BANAT NEWS)
- Latest
