Magtiayon naligsan, bana patay

CEBU, Philippines — Patay ang usa ka motorista ug grabe nga naangol ang angkas nga asawa dihang naligsan kini sa nagsunod nga boom truck sa may Zuelleg, Reclamation Area, Subangdaku, Dakbayan sa Mandaue alas 11: 24 kagahapon sa buntag.

Ang namatay mao si Nicolas Pacaldo, 32, taga Pilipog, Cordova, samtang ang naangol mao si Ladyuly Pacaldo, 24, kinsa dali nga gidala sa University of Cebu Medical Center. 

Ang boom truck gimaneho ni Allan Sasil, 39, taga Paknaan, Dakbayan sa Mandaue, kinsa miasoy nga wala siya kabantay sa nagsunod nga motorsiklo hangtud nga kini nipaka. (BANAT NEWS)