Osmeña: Kanhi SK chairman may abilidad

CEBU, Philippines — Gihulagway ni Konsehal Margarita Osmeña sa Bando Osmeña Pundok Kauswagan (BOPK) nga usa ka ‘capable colleague’ si Rengelle Pelayo, kanhi Sangguniang Kabataan President sa Cebu City.

Kini kun tinuod matud pa ang gisulti ni Konsehal Joel Garganera sa Barug Team Rama nga gigamit sa BOPK ang impluwensiya ni Senador Manny Pacquiao alang sa matud pa endorsement ni Pelayo isip hulip sa mi-resign nga si Konsehal Nendell Hanz Abella.

Giangkon ni Osmeña nga kaila siya ni Pelayo ug nakatrabaho usab kini niya kaniadto ug base sa iyahang nakita maayo gyud kini.

 “I cannot confirm anything, really I can’t. So they seem to know naman what’s happening they always know what’s happening so let them believe what they want to believe,” asoy ni Osmeña. Nakapangutana usab si Osmeña kun kaalyado pa ba gihapon ang Barug Team Rama sa United Nationalist Alliance (UNA) party. (BANAT NEWS)