Polis sa CCPO aduna nay body cameras

CEBU, Philippines — Unom ka mga body cameras ang idonar sa Sugbotek Incorporation ngadto sa Cebu City Police Office kauban sa Dispatch and Civilian Response System nga magamit matag operasyon.

Matud pa sa direktor sa Cebu City Police Office nga si Senior Supt. Joel Doria nga recorded na ang operasyon sa kapulisan gumikan niini.

Ang maong pribadong kompanya mao ang midonar og usa ka Dispatch and Civilian Response System nga gipanganlang Guardian nga gamiton aron dali nga makakonektar sa Command Center sa Cebu City Police Office ang katawhan sa panahon sa emergency.

Mamahimong ma-download ang maong mobile application sa publiko inig Enero tuig 2018 samtang karon, gisugdan na kini sa paggamit sa command centers sa Barangay Apas, Tisa, Senior Santo Niño ug Barangay Poblacion Pardo. Plano usab nga modonar og mga body cameras  ngadto sa mga police stations ang mga kapitan sa maong mga barangay.

"They (mga kapitan sa mga barangay) informed us that they will be proposing a memo for the donations ng body cam para naman sa stations natin. Yung operations na i-construct ang bawat pulis natin recorded na, so hindi pwede burahin kasi nasa system na," si Doria miingon. (BANAT NEWS)