Manaygon sa sakyanan dakpon

CEBU, Philippines — Dakpon sa kapolisan ang kabataan nga manaygon sa mga sakyanan sa kadalanan.

Matud ni Cebu City Police Office Director, Senior Supt. Joel Doria, nga ang mga polis nga gikan sa Personnel Holding and Accounting Unit nga nagbantay sa trapiko ang modakop sa manaygon nga kabataan. Ang maong mga polis adunay nag-ung-ong nga kaso ug floating ang ilang status diha sa PHAU.

Apan gikinahanglan sab nila ang pagpakig-alayon sa lokal nga kagamhanan ug sa Department of Social Welfare and Development aron pormal nga ma-turnover ang mga bata nga madakpan.

“We are implementing city ordinance. Kailangan ng barangay and concerned agencies. Mga minors yan, di mo pwede dalhin sa station,” matud ni Doria.

Tungod sa pagsugod sa “Ber months”, nagsugod na sab og kadaghan ang mga manaygon sa kadalanan.

Matud ni Doria nga delikado ang gihimo sa mga bata tungod kay mangapyot kini sa mga jeep.  (BANAT NEWS)