BOPK maoy nagpalutaw sa ngalan ni Rama?

CEBU, Philippines — Gipasanginlan ni Barug Team Rama Councilor Joel Garganera ang Bando Osmeña Pundok Kauswagan (BOPK) nga maoy nagpakatap og estorya nga si kanhi mayor Michael Rama maoy mopuli kang Konsehal Nendell Hanz Abella.

Si Abella, mi-resign pagka-konsehal sa siyudad sa Sugbo human mihurar isip commissioner sa National Labor Relations Commission (NLRC) 7th Division.

Si Garganera mipasangil sa BOPK nga miendorsar og ngalan ug gigamit ang impluwensiya ni Senador Manny Pacquiao aron makakuha og endorsement sa United Nationalist Alliance (UNA).

Si Garganera miingon nga si Rama miingon nga dili tinuod nga siya maoy mopuli kang Abella ug aduna na siyay gi-endorsar. Gibutyag ni Garganera nga daw gusto palaguton sa pikas kampo ang presidente pinaagi sa pagpalutaw sa pangalan ni Rama kinsa naapil sa lista sa narco-politicians nga gipangalan ni Duterte.

Matud ni Garganera nga nagproseso pa si Rama nga malimpyo ang iyang pangalan ug maglisod si Duterte pagdesider bahin niini.

Gusto karon nilang klaruhon nga mosunod sa rekisitos sama sa certification nga bona fide member UNA party ug gi-endorsar gyud sa partido ang mohulip ni Abella.Si Garganera miingon nga hayan mangayo sila og tabang ni Presidential Assistant for the Visayas Michael Dino kalabot niini.

 “I’m not going to comment on anything. But let me point out something before they start giving their sermons to me, I’d like to remind them they all defected to PDP-Laban right so what’s their right to claim? Number 2, Hanz Abella was with our group, that’s our right to claim also but they shouldn’t pretend beyond question”, tubag pa ni Mayor Tomas Osmeña. Matud niya mas maayo nga adto mangutana ang oposisyon kang Pacquiao. (BANAT NEWS)