Banat ( Leaderboard Top ), pagematch: 1, sectionmatch: 1

BFP-7 gipaubos sa values formation

CEBU, Philippines — Sa unang higayon gipaubos sa Values Formation Seminar ang mga opisyal sa Bureau of Fire Protection-7 nga gipangulohan ni Regional Director Fire Senior Supt. Samuel Tadeo kagahapon sa buntag.

Matud pa ni Tadeo nga ang unang adlaw alang sa mga opisyal ug ang ikaduha alang sa mga non-commission officers.

Gipadayag ni Tadeo nga lisud kaayo kung sige lang sa trabaho ang iyang mga tawo ug walay spiritual nga aspeto.

Sumala pa ni Tadeo nga himoon na kini niyang tinuig nga kalihukan alang sa iyang mga sakop.

Samtang si Chief Inspector Randy Baluso, chaplain sa Service Unit sa BFP-7, nibutyag nga mapasalamaton siya tungod kay sa 11 ka tuig niya sa serbisyo karon pa siya nakapahigayon sa maong seminar sa BFP.

Matud ni Baluso nga importante ang spiritual nga kalihukan nga dili nila angay kalimtan.

Si Inspector Jose Estrella sa Carcar City BFP mapasalamaton nga nalakip siya sa maong kalihukan tungod kay aduna silay renewal sa ilang obligasyon sa Labaw nga Makagagahum tungod kay kung walay Ginoo wala usab silay mahimo.

Gitapos ang kalihukan sa usa ka pagpakompisal ug Santos nga Misa. Samtang nagkinahanglan pa og dugang pagbansay-bansay ang mga sakop sa Lapu-Lapu City Police Office alang sa pagpalambo sa ilang pagtubag sa alarma sama sa pagpanulis, pagpang-hostage ug uban pa.

Kini ang gipadayag ni Lapu-Lapu City Police Office Deputy Director for Operation, Superintendent Elmer Lim, human sa gipahigayon nga training sa usa ka mall sa Barangay Mactan.

Matud pa ni Lim nga malampuson gihapon ang pagbansay gawas nga dunay ginagmay nga kakulian.

Kini naglakip sa pagpugong sa pagdugok sa mga tawo sa crime scene ug bisan na gani ang mga lihok sa mga polis nga nagtubag sa alarma. (BANAT NEWS)

  • Follow Us: