Banat ( Leaderboard Top ), pagematch: 1, sectionmatch: 1

‘Farmer heroes’ gipasidunggan

Ang maong mga mag-uuma gitawag og mga “farmer heroes” nga gikan pa sa nagkadaiyang lugar sa Rehiyon 7.  Philstar.com/File

CEBU, Philippines — Niabot sa 35 ka mag-uuma ang gipasidunggan sa gipahigayong Regional Championship Day sa Talavera, Dakbayan sa Toledo.

Ang maong mga mag-uuma gitawag og mga “farmer heroes” nga gikan pa sa nagkadaiyang lugar sa Rehiyon 7.

Ang kalihukan gipangulohan sa City Agriculture Office ug sa  Department of Agriculture.

Matud ni Julieza Rebucias Cabahug sa CAO nga ang kalihukan gitagana alang sa mga mag-uuma sa Toledo ug sa ubang lugar sa rehiyon nga adunay pananum nga utanon ug mais.

Duha ka mag-uuma nga taga Toledo ang lakip nga gipasidunggan sama ni Felipe Telebrico nga taga Talavera.

Ang 35 ka farmer heroes makigtigi sa ilang kahanas sa pagpananum og mga utanon sa ubang bahin sa nasud. (BANAT NEWS)

  • Follow Us: