Banat ( Leaderboard Top ), pagematch: 1, sectionmatch: 1

Programa ni Sonny padayonon ni Yapha

CEBU, Philippines — Padayonon ni Bise Mayor Antonio Yapha Jr. ang mga programa ni Toledo City Mayor John Henry Osmeña samtang kini mobakasyon ug kung silbihan na niya ang usa ka tuig nga pagkasuspenso.

Matud ni Yapha nga walay mamahimong kausaban sa pagpadagan sa mga batakang serbisyo sa Dakbayan sa Toledo kung siya na ang acting mayor sa siyudad.

Usa sa mga serbisyo nga gilauman nga ipadayon ni Yapha mao ang paghatag og ayuda sa mga senior citizens.

Nasayran nga gisuspenso si Osmeña sa Ombudsman tungod sa wala pagpagawas sa real property tax sa Barangay Daanglungsod nga nagkantidad og kapin sa P17 milyones.

Nasurpresa sab si Yapha sa desisyon sa Ombudsman sa pagsuspenso sa mayor.

Wala na mohatag og dugang komento si Yapha kun unsa ang iyang unang buhaton sa paglingkod na unya isip acting mayor.

Si Osmeña una na nga nisang-at og leave og absence aron pagbakasyon sa Middle East, Uropa ug Amerika alang sa personal nga katuyoan. (BANAT NEWS)

  • Follow Us: